ស្ថិតក្នុងសម្ពាធនៃលោកាភិវឌ្ឍន៍ មនុស្សទូទាំងសាកលលោក កំពុងប្រឈមមុខនឹងបញ្ហានៃការដណ្ដើមធនធានធម្មជាតិ ដើម្បីស្នងនូវការលូតលាស់ផ្នែកវត្ថុនិយម និងបរិភោគនិយម ដែលជាកត្ដាមួយនាំមកនូវវិបត្តិផ្នែកទស្សនគិត ឬជាដើមហេតុនៃការខ្វែងគំនិងគ្នា ផ្នែកសេដ្ឋកិច្ច នយោបាយ សង្គម។ ការខ្វែងគំនិតនេះ នាំមកនូវផលប៉ះទង្គិចទាំងផ្នែករាងកាយ និងចិត្តវិញ្ញាណ ដែលយើងអាចនិយាយក្នុងភាសាសន្ដិភាពថា “ហិង្សា”។ អំពើហិង្សាកើតឡើងរវាងប្រទេស និងប្រទេស ឬប្រជាជន និងប្រជាជន ក្នុងសង្គមត្រូវរកវិធីដោះស្រាយរម្ងាប់អំពើទាំងនេះ ដើម្បីសន្ដិ ស្ងប់សុខរបស់ប្រជាជន។ បើជារឿងប៉ះពាល់ផ្នែកសន្ដិសុខរវាងប្រទេស គេត្រូវការរកដំណោះស្រាយដោយសន្ដិវិធី ដោយការចរចា និងធ្វើសន្ធិសញ្ញារវាងប្រទេស ដោយមានការទទួលស្គាល់អំពីប្រទេសជាមិត្ត ឬសហគមន៍លោក ដែលហៅឈ្មោះជាផ្លូវការថា “អង្គការសហប្រជាជាតិ” ឬអង្គការនានា ដែលទទួលបន្ទុក ផ្នែកដំណោះស្រាយរកសន្ដិភាព ចំណែកជម្លោះរវាងប្រជាជន និងប្រជាជន គេត្រូវការរកដំណោះស្រាយ ឬសម្របសម្រួលគ្នា តែសម្រាប់បុគ្គលមួយចំនួន ដែលត្រូវការសន្ដិភាពយ៉ាងពិតប្រាកដ គេត្រូវការវិវេកខ្លួន ដោយផ្ដោតលើអារម្មណ៍មានសតិ ជាទីតាំង...
Belief in the GDP's core value: Solidarity, Justice, Non-Violence, Freedom, and Integrity.